Isaiah 33:16–19

16 Iste in excelsis habitabit;

munimenta saxorum sublimitas ejus:

panis ei datus est, aquæ ejus fideles sunt.

17 Regem in decore suo videbunt oculi ejus,

cernent terram de longe.

18 Cor tuum meditabitur timorem:

ubi est litteratus? ubi legis verba ponderans?

ubi doctor parvulorum?

19 Populum impudentem non videbis,

populum alti sermonis, ita ut non possis intelligere

disertitudinem linguæ ejus, in quo nulla est sapientia.