Isaiah 33:15–17

¹⁵Qui ambulat in justitiis et loquitur veritatem,

qui projicit avaritiam ex calumnia,

et excutit manus suas ab omni munere,

qui obturat aures suas ne audiat sanguinem,

et claudit oculos suos ne videat malum.

¹⁶Iste in excelsis habitabit;

munimenta saxorum sublimitas ejus:

panis ei datus est, aquæ ejus fideles sunt.

¹⁷Regem in decore suo videbunt oculi ejus,

cernent terram de longe.