Isaiah 30:16–18

¹⁶et dixistis: Nequaquam,

sed ad equos fugiemus:

ideo fugietis;

et: Super veloces ascendemus:

ideo velociores erunt qui persequentur vos.

¹⁷Mille homines a facie terroris unius;

et a facie terroris quinque fugietis,

donec relinquamini

quasi malus navis in vertice montis,

et quasi signum super collem.

¹⁸Propterea exspectat Dominus ut misereatur vestri;

et ideo exaltabitur parcens vobis,

quia Deus judicii Dominus:

beati omnes qui exspectant eum!