Isaiah 29:9–12

⁹Obstupescite et admiramini;

fluctuate et vacillate;

inebriamini, et non a vino;

movemini, et non ab ebrietate.

¹⁰Quoniam miscuit vobis Dominus

spiritum soporis; claudet oculos vestros:

prophetas et principes vestros, qui vident visiones, operiet.

¹¹Et erit vobis visio omnium

sicut verba libri signati,

quem cum dederint scienti litteras,

dicent: Lege istum:

et respondebit: Non possum, signatus est enim.

¹²Et dabitur liber nescienti litteras,

diceturque ei: Lege;

et respondebit: Nescio litteras.