Isaiah 28:9–12

⁹Quem docebit scientiam?

et quem intelligere faciet auditum?

Ablactatos a lacte,

avulsos ab uberibus.

¹⁰Quia manda, remanda; manda, remanda;

exspecta, reexspecta; exspecta, reexspecta;

modicum ibi, modicum ibi.

¹¹In loquela enim labii,

et lingua altera

loquetur ad populum istum.

¹²Cui dixit: Hæc est requies mea,

reficite lassum;

et hoc est meum refrigerium:

et noluerunt audire.