Isaiah 24:18–20

¹⁸Et erit: qui fugerit a voce formidinis cadet in foveam;

et qui se explicaverit de fovea tenebitur laqueo;

quia cataractæ de excelsis apertæ sunt

et concutientur fundamenta terræ.

¹⁹Confractione confringetur terra,

contritione conteretur terra,

commotione commovebitur terra;

²⁰agitatione agitabitur terra sicut ebrius,

et auferetur quasi tabernaculum unius noctis;

et gravabit eam iniquitas sua,

et corruet, et non adjiciet ut resurgat.