Isaiah 23:16–18

16 Sume citharam, circui civitatem,

meretrix oblivioni tradita:

bene cane, frequenta canticum,

ut memoria tui sit.

17 Et erit post septuaginta annos:

visitabit Dominus Tyrum,

et reducet eam ad mercedes suas,

et rursum fornicabitur cum universis regnis terræ

super faciem terræ;

18 et erunt negotiationes ejus et mercedes ejus sanctificatæ Domino:

non condentur neque reponentur,

quia his qui habitaverint coram Domino erit negotiatio ejus,

ut manducent in saturitatem, et vestiantur usque ad vetustatem.