Isaiah 2:6–9

⁶Projecisti enim populum tuum,

domum Jacob,

quia repleti sunt ut olim,

et augures habuerunt ut Philisthiim,

et pueris alienis adhæserunt.

⁷Repleta est terra argento et auro,

et non est finis thesaurorum ejus.

⁸Et repleta est terra ejus equis,

et innumerabiles quadrigæ ejus.

Et repleta est terra ejus idolis;

opus manuum suarum adoraverunt,

quod fecerunt digiti eorum.

⁹Et incurvavit se homo,

et humiliatus est vir;

ne ergo dimittas eis.