Isaiah 13:10–13

¹⁰Quoniam stellæ cæli, et splendor earum,

non expandent lumen suum;

obtenebratus est sol in ortu suo,

et luna non splendebit in lumine suo.

¹¹Et visitabo super orbis mala,

et contra impios iniquitatem eorum;

et quiescere faciam superbiam infidelium,

et arrogantiam fortium humiliabo.

¹²Pretiosior erit vir auro,

et homo mundo obrizo.

¹³Super hoc cælum turbabo;

et movebitur terra de loco suo,

propter indignationem Domini exercituum,

et propter diem iræ furoris ejus.