Isaiah 1:11–13

¹¹Quo mihi multitudinem victimarum vestrarum?

dicit Dominus.

Plenus sum:

holocausta arietum,

et adipem pinguium,

et sanguinem vitulorum et agnorum et hircorum,

nolui.

¹²Cum veniretis ante conspectum meum,

quis quæsivit hæc de manibus vestris,

ut ambularetis in atriis meis?

¹³Ne offeratis ultra sacrificium frustra:

incensum abominatio est mihi.

Neomeniam et sabbatum, et festivitates alias, non feram;

iniqui sunt cœtus vestri.