Hosea 14:4–8

4 Assur non salvabit nos:

super equum non ascendemus,

nec dicemus ultra, Dii nostri opera manuum nostrarum:

quia ejus, qui in te est, misereberis pupilli.

5 Sanabo contritiones eorum;

diligam eos spontanee:

quia aversus est furor meus ab eis.

6 Ero quasi ros;

Israël germinabit sicut lilium,

et erumpet radix ejus ut Libani.

7 Ibunt rami ejus,

et erit quasi oliva gloria ejus,

et odor ejus ut Libani.

8 Convertentur sedentes in umbra ejus;

vivent tritico, et germinabunt quasi vinea;

memoriale ejus sicut vinum Libani.