¹⁵Et ideo novi testamenti mediator est: ut morte intercedente, in redemptionem earum prævaricationum, quæ erant sub priori testamento, repromissionem accipiant qui vocati sunt æternæ hæreditatis. ¹⁶Ubi enim testamentum est, mors necesse est intercedat testatoris. ¹⁷Testamentum enim in mortuis confirmatum est: alioquin nondum valet, dum vivit qui testatus est. ¹⁸Unde nec primum quidem sine sanguine dedicatum est. ¹⁹Lecto enim omni mandato legis a Moyse universo populo, accipiens sanguinem vitulorum et hircorum cum aqua, et lana coccinea, et hyssopo, ipsum quoque librum, et omnem populum aspersit, ²⁰dicens: Hic sanguis testamenti, quod mandavit ad vos Deus. ²¹Etiam tabernaculum et omnia vasa ministerii sanguine similiter aspersit. ²²Et omnia pene in sanguine secundum legem mundantur: et sine sanguinis effusione non fit remissio.

Read in Logos

Hebrews 9:22: Indeed, under the law almost everything is purified with blood, and without the shedding of blood there is no forgiveness of sins.

Public Domain