Hebrews 13:5–10

⁵Sint mores sine avaritia, contenti præsentibus: ipse enim dixit: Non te deseram, neque derelinquam: ⁶ita ut confidenter dicamus: Dominus mihi adjutor: non timebo quid faciat mihi homo. ⁷Mementote præpositorum vestrorum, qui vobis locuti sunt verbum Dei: quorum intuentes exitum conversationis, imitamini fidem. ⁸Jesus Christus heri, et hodie: ipse et in sæcula. ⁹Doctrinis variis et peregrinis nolite abduci. Optimum est enim gratia stabilire cor, non escis: quæ non profuerunt ambulantibus in eis. ¹⁰Habemus altare, de quo edere non habent potestatem, qui tabernaculo deserviunt.