Habakkuk 3:3–6

3 Deus ab austro veniet,

et Sanctus de monte Pharan:

operuit cælos gloria ejus,

et laudis ejus plena est terra.

4 Splendor ejus ut lux erit,

cornua in manibus ejus:

ibi abscondita est fortitudo ejus.

5 Ante faciem ejus ibit mors,

et egredietur diabolus ante pedes ejus.

6 Stetit, et mensus est terram;

aspexit, et dissolvit gentes,

et contriti sunt montes sæculi:

incurvati sunt colles mundi ab itineribus æternitatis ejus.