Genesis 46:6–28

⁶et omnia quæ possederat in terra Chanaan: venitque in Ægyptum cum omni semine suo, ⁷filii ejus, et nepotes, filiæ, et cuncta simul progenies. ⁸Hæc sunt autem nomina filiorum Israël, qui ingressi sunt in Ægyptum, ipse cum liberis suis. Primogenitus Ruben. ⁹Filii Ruben: Henoch et Phallu et Hesron et Charmi. ¹⁰Filii Simeon: Jamuel et Jamin et Ahod, et Jachin et Sohar, et Saul filius Chanaanitidis. ¹¹Filii Levi: Gerson et Caath et Merari. ¹²Filii Juda: Her et Onan et Sela et Phares et Zara; mortui sunt autem Her et Onan in terra Chanaan. Natique sunt filii Phares: Hesron et Hamul. ¹³Filii Issachar: Thola et Phua et Job et Semron. ¹⁴Filii Zabulon: Sared et Elon et Jahelel. ¹⁵Hi filii Liæ quos genuit in Mesopotamia Syriæ cum Dina filia sua: omnes animæ filiorum ejus et filiarum, triginta tres. ¹⁶Filii Gad: Sephion et Haggi et Suni et Esebon et Heri et Arodi et Areli. ¹⁷Filii Aser: Jamne et Jesua et Jessui et Beria, Sara quoque soror eorum. Filii Beria: Heber et Melchiel. ¹⁸Hi filii Zelphæ, quam dedit Laban Liæ filiæ suæ: et hos genuit Jacob sedecim animas. ¹⁹Filii Rachel uxoris Jacob: Joseph et Benjamin. ²⁰Natique sunt Joseph filii in terra Ægypti, quos genuit ei Aseneth filia Putiphare sacerdotis Heliopoleos: Manasses et Ephraim. ²¹Filii Benjamin: Bela et Bechor et Asbel et Gera et Naaman et Echi et Ros et Mophim et Ophim et Ared. ²²Hi filii Rachel quos genuit Jacob: omnes animæ, quatuordecim. ²³Filii Dan: Husim. ²⁴Filii Nephthali: Jasiel et Guni et Jeser et Sallem. ²⁵Hi filii Balæ, quam dedit Laban Racheli filiæ suæ: et hos genuit Jacob: omnes animæ, septem. ²⁶Cunctæ animæ, quæ ingressæ sunt cum Jacob in Ægyptum, et egressæ sunt de femore illius, absque uxoribus filiorum ejus, sexaginta sex. ²⁷Filii autem Joseph, qui nati sunt ei in terra Ægypti, animæ duæ. Omnes animæ domus Jacob, quæ ingressæ sunt in Ægyptum, fuere septuaginta.

²⁸Misit autem Judam ante se ad Joseph, ut nuntiaret ei, et occurreret in Gessen.