¹⁴Sale quoque vixit triginta annis, et genuit Heber. ¹⁵Vixitque Sale, postquam genuit Heber, quadringentis tribus annis: et genuit filios et filias. ¹⁶Vixit autem Heber triginta quatuor annis, et genuit Phaleg. ¹⁷Et vixit Heber postquam genuit Phaleg, quadringentis triginta annis: et genuit filios et filias. ¹⁸Vixit quoque Phaleg triginta annis, et genuit Reu. ¹⁹Vixitque Phaleg, postquam genuit Reu, ducentis novem annis: et genuit filios et filias. ²⁰Vixit autem Reu triginta duobus annis, et genuit Sarug. ²¹Vixit quoque Reu, postquam genuit Sarug, ducentis septem annis: et genuit filios et filias. ²²Vixit vero Sarug triginta annis, et genuit Nachor. ²³Vixitque Sarug, postquam genuit Nachor, ducentis annis: et genuit filios et filias. ²⁴Vixit autem Nachor viginti novem annis, et genuit Thare. ²⁵Vixitque Nachor, postquam genuit Thare, centum decem et novem annis: et genuit filios et filias. ²⁶Vixitque Thare septuaginta annis, et genuit Abram, et Nachor, et Aran.

²⁷Hæ sunt autem generationes Thare: Thare genuit Abram, Nachor et Aran. Porro Aran genuit Lot.

Read in Logos

Public Domain