Galatians 6:6–10

⁶Communicet autem is qui catechizatur verbo, ei qui se catechizat, in omnibus bonis. ⁷Nolite errare: Deus non irridetur. ⁸Quæ enim seminaverit homo, hæc et metet. Quoniam qui seminat in carne sua, de carne et metet corruptionem: qui autem seminat in spiritu, de spiritu metet vitam æternam. ⁹Bonum autem facientes, non deficiamus: tempore enim suo metemus non deficientes. ¹⁰Ergo dum tempus habemus, operemur bonum ad omnes, maxime autem ad domesticos fidei.