Ecclesiastes 2:20–23

20 Unde cessavi,

renuntiavitque cor meum ultra laborare sub sole.

21 Nam cum alius laboret in sapientia,

et doctrina, et sollicitudine,

homini otioso quæsita dimittit;

et hoc ergo vanitas et magnum malum.

22 Quid enim proderit homini de universo labore suo,

et afflictione spiritus,

qua sub sole cruciatus est?

23 Cuncti dies ejus doloribus et ærumnis pleni sunt,

nec per noctem mente requiescit.

Et hoc nonne vanitas est?