Ecclesiastes 12:2–5

2 antequam tenebrescat sol, et lumen, et luna, et stellæ,

et revertantur nubes post pluviam;

3 quando commovebuntur custodes domus,

et nutabunt viri fortissimi,

et otiosæ erunt molentes in minuto numero,

et tenebrescent videntes per foramina;

4 et claudent ostia in platea,

in humilitate vocis molentis,

et consurgent ad vocem volucris,

et obsurdescent omnes filiæ carminis:

5 excelsa quoque timebunt, et formidabunt in via.

Florebit amygdalus, impinguabitur locusta,

et dissipabitur capparis,

quoniam ibit homo in domum æternitatis suæ,

et circuibunt in platea plangentes.