Ecclesiastes 11:9–12:1

9 Lætare ergo, juvenis, in adolescentia tua,

et in bono sit cor tuum in diebus juventutis tuæ:

et ambula in viis cordis tui,

et in intuitu oculorum tuorum,

et scito quod pro omnibus his adducet te Deus in judicium.

10 Aufer iram a corde tuo,

et amove malitiam a carne tua:

adolescentia enim et voluptas vana sunt.

12 1 Memento Creatoris tui in diebus juventutis tuæ,

antequam veniat tempus afflictionis,

et appropinquent anni de quibus dicas:

Non mihi placent;