Deuteronomy 33:8–10

8 Levi quoque ait:

Perfectio tua, et doctrina tua viro sancto tuo,

quem probasti in tentatione,

et judicasti ad aquas contradictionis.

9 Qui dixit patri suo et matri suæ: Nescio vos:

et fratribus suis: Ignoro vos:

et nescierunt filios suos.

Hi custodierunt eloquium tuum,

et pactum tuum servaverunt.

10 Judicia tua, o Jacob,

et legem tuam, o Israël:

ponent thymiama in furore tuo,

et holocaustum super altare tuum.