²⁹Cumque consummassent omnia quæ de eo scripta erant, deponentes eum de ligno, posuerunt eum in monumento. ³⁰Deus vero suscitavit eum a mortuis tertia die: qui visus est per dies multos his ³¹qui simul ascenderant cum eo de Galilæa in Jerusalem: qui usque nunc sunt testes ejus ad plebem. ³²Et nos vobis annuntiamus eam, quæ ad patres nostros repromissio facta est: ³³quoniam hanc Deus adimplevit filiis nostris resuscitans Jesum, sicut et in psalmo secundo scriptum est: Filius meus es tu, ego hodie genui te.

Read in Logos

Public Domain