Sirach 30:21–25

21 videns oculis et ingemiscens,

sicut spado complectens virginem, et suspirans.

22 Tristitiam non des animæ tuæ,

et non affligas temetipsum in consilio tuo.

23 Jucunditas cordis, hæc est vita hominis,

et thesaurus sine defectione sanctitatis:

et exsultatio viri est longævitas.

24 Miserere animæ tuæ placens Deo, et contine:

congrega cor tuum in sanctitate ejus,

et tristitiam longe repelle a te.

25 Multos enim occidit tristitia,

et non est utilitas in illa.