Psalm 95:10–13

10 dicite in gentibus, quia Dominus regnavit.

Etenim correxit orbem terræ, qui non commovebitur;

judicabit populos in æquitate.

11 Lætentur cæli, et exsultet terra;

commoveatur mare et plenitudo ejus;

12 gaudebunt campi, et omnia quæ in eis sunt.

Tunc exsultabunt omnia ligna silvarum

13 a facie Domini, quia venit,

quoniam venit judicare terram.

Judicabit orbem terræ in æquitate,

et populos in veritate sua.