Psalm 89:11–17

11 Quis novit potestatem iræ tuæ,

et præ timore tuo iram tuam 12 dinumerare?

Dexteram tuam sic notam fac,

et eruditos corde in sapientia.

13 Convertere, Domine; usquequo?

et deprecabilis esto super servos tuos.

14 Repleti sumus mane misericordia tua;

et exsultavimus, et delectati sumus omnibus diebus nostris.

15 Lætati sumus pro diebus quibus nos humiliasti;

annis quibus vidimus mala.

16 Respice in servos tuos et in opera tua,

et dirige filios eorum.

17 Et sit splendor Domini Dei nostri super nos,

et opera manuum nostrarum dirige super nos,

et opus manuum nostrarum dirige.