Psalm 80:7–11

7 Divertit ab oneribus dorsum ejus;

manus ejus in cophino servierunt.

8 In tribulatione invocasti me, et liberavi te.

Exaudivi te in abscondito tempestatis;

probavi te apud aquam contradictionis.

9 Audi, populus meus, et contestabor te.

Israël, si audieris me,

10 non erit in te deus recens,

neque adorabis deum alienum.

11 Ego enim sum Dominus Deus tuus,

qui eduxi te de terra Ægypti.

Dilata os tuum, et implebo illud.