Psalm 73:3–8

3 Leva manus tuas in superbias eorum in finem:

quanta malignatus est inimicus in sancto!

4 Et gloriati sunt qui oderunt te in medio solemnitatis tuæ;

posuerunt signa sua, signa:

5 et non cognoverunt sicut in exitu super summum.

Quasi in silva lignorum securibus

6 exciderunt januas ejus in idipsum;

in securi et ascia dejecerunt eam.

7 Incenderunt igni sanctuarium tuum;

in terra polluerunt tabernaculum nominis tui.

8 Dixerunt in corde suo cognatio eorum simul:

Quiescere faciamus omnes dies festos Dei a terra.