Psalm 59:9–14

9 Meus est Galaad, et meus est Manasses;

et Ephraim fortitudo capitis mei.

Juda rex meus;

10 Moab olla spei meæ.

In Idumæam extendam calceamentum meum:

mihi alienigenæ subditi sunt.

11 Quis deducet me in civitatem munitam?

quis deducet me usque in Idumæam?

12 nonne tu, Deus, qui repulisti nos?

et non egredieris, Deus, in virtutibus nostris?

13 Da nobis auxilium de tribulatione,

quia vana salus hominis.

14 In Deo faciemus virtutem;

et ipse ad nihilum deducet tribulantes nos.