Psalm 50:18–21

18 Quoniam si voluisses sacrificium, dedissem utique;

holocaustis non delectaberis.

19 Sacrificium Deo spiritus contribulatus;

cor contritum et humiliatum, Deus, non despicies.

20 Benigne fac, Domine, in bona voluntate tua Sion,

ut ædificentur muri Jerusalem.

21 Tunc acceptabis sacrificium justitiæ, oblationes et holocausta;

tunc imponent super altare tuum vitulos.