Psalm 50:15–19

15 Docebo iniquos vias tuas,

et impii ad te convertentur.

16 Libera me de sanguinibus, Deus, Deus salutis meæ,

et exsultabit lingua mea justitiam tuam.

17 Domine, labia mea aperies,

et os meum annuntiabit laudem tuam.

18 Quoniam si voluisses sacrificium, dedissem utique;

holocaustis non delectaberis.

19 Sacrificium Deo spiritus contribulatus;

cor contritum et humiliatum, Deus, non despicies.