Psalm 49:1–9

1 Psalmus Asaph.

Deus deorum Dominus locutus est,

et vocavit terram a solis ortu usque ad occasum.

2 Ex Sion species decoris ejus:

3 Deus manifeste veniet;

Deus noster, et non silebit.

Ignis in conspectu ejus exardescet;

et in circuitu ejus tempestas valida.

4 Advocabit cælum desursum, et terram,

discernere populum suum.

5 Congregate illi sanctos ejus,

qui ordinant testamentum ejus super sacrificia.

6 Et annuntiabunt cæli justitiam ejus,

quoniam Deus judex est.

7 Audi, populus meus, et loquar;

Israël, et testificabor tibi:

Deus, Deus tuus ego sum.

8 Non in sacrificiis tuis arguam te;

holocausta autem tua in conspectu meo sunt semper.

9 Non accipiam de domo tua vitulos,

neque de gregibus tuis hircos: