Psalm 48:1–6

1 In finem, filiis Core. Psalmus.

2 Audite hæc, omnes gentes;

auribus percipite, omnes qui habitatis orbem:

3 quique terrigenæ et filii hominum,

simul in unum dives et pauper.

4 Os meum loquetur sapientiam,

et meditatio cordis mei prudentiam.

5 Inclinabo in parabolam aurem meam;

aperiam in psalterio propositionem meam.

6 Cur timebo in die mala?

iniquitas calcanei mei circumdabit me.