Psalm 4:1–5

1 In finem, in carminibus. Psalmus David.

2 Cum invocarem exaudivit me Deus justitiæ meæ,

in tribulatione dilatasti mihi.

Miserere mei, et exaudi orationem meam.

3 Filii hominum, usquequo gravi corde?

ut quid diligitis vanitatem, et quæritis mendacium?

4 Et scitote quoniam mirificavit Dominus sanctum suum;

Dominus exaudiet me cum clamavero ad eum.

5 Irascimini, et nolite peccare;

quæ dicitis in cordibus vestris, in cubilibus vestris compungimini.