Psalm 34:6–10

6 Fiat via illorum tenebræ et lubricum,

et angelus Domini persequens eos.

7 Quoniam gratis absconderunt mihi interitum laquei sui; supervacue exprobraverunt animam meam.

8 Veniat illi laqueus quem ignorat,

et captio quam abscondit apprehendat eum,

et in laqueum cadat in ipsum.

9 Anima autem mea exsultabit in Domino,

et delectabitur super salutari suo.

10 Omnia ossa mea dicent:

Domine, quis similis tibi?

eripiens inopem de manu fortiorum ejus;

egenum et pauperem a diripientibus eum.