Psalm 21:15–19

15 Sicut aqua effusus sum,

et dispersa sunt omnia ossa mea:

factum est cor meum tamquam cera liquescens in medio ventris mei.

16 Aruit tamquam testa virtus mea,

et lingua mea adhæsit faucibus meis:

et in pulverem mortis deduxisti me.

17 Quoniam circumdederunt me canes multi;

concilium malignantium obsedit me.

Foderunt manus meas et pedes meos;

18 dinumeraverunt omnia ossa mea.

Ipsi vero consideraverunt et inspexerunt me.

19 Diviserunt sibi vestimenta mea,

et super vestem meam miserunt sortem.