Psalm 118:74–79

74 Qui timent te videbunt me et lætabuntur,

quia in verba tua supersperavi.

75 Cognovi, Domine, quia æquitas judicia tua,

et in veritate tua humiliasti me.

76 Fiat misericordia tua ut consoletur me,

secundum eloquium tuum servo tuo.

77 Veniant mihi miserationes tuæ, et vivam,

quia lex tua meditatio mea est.

78 Confundantur superbi, quia injuste iniquitatem fecerunt in me;

ego autem exercebor in mandatis tuis.

79 Convertantur mihi timentes te,

et qui noverunt testimonia tua.