Psalm 118:19–24

19 Incola ego sum in terra:

non abscondas a me mandata tua.

20 Concupivit anima mea

desiderare justificationes tuas in omni tempore.

21 Increpasti superbos;

maledicti qui declinant a mandatis tuis.

22 Aufer a me opprobrium et contemptum,

quia testimonia tua exquisivi.

23 Etenim sederunt principes, et adversum me loquebantur;

servus autem tuus exercebatur in justificationibus tuis.

24 Nam et testimonia tua meditatio mea est,

et consilium meum justificationes tuæ.