Psalm 114:3–8

3 Circumdederunt me dolores mortis;

et pericula inferni invenerunt me.

Tribulationem et dolorem inveni,

4 et nomen Domini invocavi:

o Domine, libera animam meam.

5 Misericors Dominus et justus,

et Deus noster miseretur.

6 Custodiens parvulos Dominus;

humiliatus sum, et liberavit me.

7 Convertere, anima mea, in requiem tuam,

quia Dominus benefecit tibi:

8 quia eripuit animam meam de morte,

oculos meos a lacrimis,

pedes meos a lapsu.