Psalm 108:7–13

7 Cum judicatur, exeat condemnatus;

et oratio ejus fiat in peccatum.

8 Fiant dies ejus pauci,

et episcopatum ejus accipiat alter.

9 Fiant filii ejus orphani,

et uxor ejus vidua.

10 Nutantes transferantur filii ejus et mendicent,

et ejiciantur de habitationibus suis.

11 Scrutetur fœnerator omnem substantiam ejus,

et diripiant alieni labores ejus.

12 Non sit illi adjutor,

nec sit qui misereatur pupillis ejus.

13 Fiant nati ejus in interitum;

in generatione una deleatur nomen ejus.