Psalm 107:4–9

4 Confitebor tibi in populis, Domine,

et psallam tibi in nationibus:

5 quia magna est super cælos misericordia tua,

et usque ad nubes veritas tua.

6 Exaltare super cælos, Deus,

et super omnem terram gloria tua:

7 ut liberentur dilecti tui.

Salvum fac dextera tua, et exaudi me.

8 Deus locutus est in sancto suo:

Exsultabo, et dividam Sichimam;

et convallem tabernaculorum dimetiar.

9 Meus est Galaad, et meus est Manasses,

et Ephraim susceptio capitis mei.

Juda rex meus;