Psalm 9:33–39

33 Exsurge, Domine Deus, exaltetur manus tua;

ne obliviscaris pauperum.

34 Propter quid irritavit impius Deum?

dixit enim in corde suo: Non requiret.

35 Vides, quoniam tu laborem et dolorem consideras,

ut tradas eos in manus tuas.

Tibi derelictus est pauper;

orphano tu eris adjutor.

36 Contere brachium peccatoris et maligni;

quæretur peccatum illius, et non invenietur.

37 Dominus regnabit in æternum, et in sæculum sæculi;

peribitis, gentes, de terra illius.

38 Desiderium pauperum exaudivit Dominus;

præparationem cordis eorum audivit auris tua:

39 judicare pupillo et humili,

ut non apponat ultra magnificare se homo super terram.