Proverbs 8:15–21

15 Per me reges regnant,

et legum conditores justa decernunt;

16 per me principes imperant,

et potentes decernunt justitiam.

17 Ego diligentes me diligo,

et qui mane vigilant ad me, invenient me.

18 Mecum sunt divitiæ et gloria,

opes superbæ et justitia.

19 Melior est enim fructus meus auro et lapide pretioso,

et genimina mea argento electo.

20 In viis justitiæ ambulo,

in medio semitarum judicii:

21 ut ditem diligentes me,

et thesauros eorum repleam.