Proverbs 28:20–23

20 Vir fidelis multum laudabitur;

qui autem festinat ditari non erit innocens.

21 Qui cognoscit in judicio faciem non bene facit;

iste et pro buccella panis deserit veritatem.

22 Vir qui festinat ditari, et aliis invidet,

ignorat quod egestas superveniet ei.

23 Qui corripit hominem gratiam postea inveniet apud eum,

magis quam ille qui per linguæ blandimenta decipit.