Proverbs 28:1–4

1 Fugit impius nemine persequente;

justus autem, quasi leo confidens, absque terrore erit.

2 Propter peccata terræ multi principes ejus;

et propter hominis sapientiam, et horum scientiam quæ dicuntur,

vita ducis longior erit.

3 Vir pauper calumnians pauperes

similis est imbri vehementi in quo paratur fames.

4 Qui derelinquunt legem laudant impium;

qui custodiunt, succenduntur contra eum.