Proverbs 2:6–11

6 quia Dominus dat sapientiam,

et ex ore ejus prudentia et scientia.

7 Custodiet rectorum salutem,

et proteget gradientes simpliciter,

8 servans semitas justitiæ,

et vias sanctorum custodiens.

9 Tunc intelliges justitiam, et judicium,

et æquitatem, et omnem semitam bonam.

10 Si intraverit sapientia cor tuum,

et scientia animæ tuæ placuerit,

11 consilium custodiet te,

et prudentia servabit te: