Lamentations 4:12–15

12 LAMED. Non crediderunt reges terræ,

et universi habitatores orbis,

quoniam ingrederetur hostis et inimicus

per portas Jerusalem.

13 MEM. Propter peccata prophetarum ejus,

et iniquitates sacerdotum ejus,

qui effuderunt in medio ejus

sanguinem justorum.

14 NUN. Erraverunt cæci in plateis,

polluti sunt in sanguine;

cumque non possent,

tenuerunt lacinias suas.

15 SAMECH. Recedite polluti, clamaverunt eis;

recedite, abite, nolite tangere:

jurgati quippe sunt, et commoti dixerunt inter gentes:

Non addet ultra ut habitet in eis.