Lamentations 3:18–24

18 VAU. Et dixi: Periit finis meus,

et spes mea a Domino.

19 ZAIN. Recordare paupertatis, et transgressionis meæ,

absinthii et fellis.

20 ZAIN. Memoria memor ero, et tabescet

in me anima mea.

21 ZAIN. Hæc recolens in corde meo,

ideo sperabo.

22 HETH. Misericordiæ Domini, quia non sumus consumpti;

quia non defecerunt miserationes ejus.

23 HETH. Novi diluculo,

multa est fides tua.

24 HETH. Pars mea Dominus, dixit anima mea;

propterea exspectabo eum.