8 Quis det ut veniat petitio mea,

et quod expecto tribuat mihi Deus?

9 et qui cœpit, ipse me conterat;

solvat manum suam, et succidat me?

10 Et hæc mihi sit consolatio, ut affligens me dolore, non parcat,

nec contradicam sermonibus Sancti.

11 Quæ est enim fortitudo mea, ut sustineam?

aut quis finis meus, ut patienter agam?

12 Nec fortitudo lapidum fortitudo mea,

nec caro mea ænea est.

13 Ecce non est auxilium mihi in me,

et necessarii quoque mei recesserunt a me.