Job 41:15–21

15 Cor ejus indurabitur tamquam lapis,

et stringetur quasi malleatoris incus.

16 Cum sublatus fuerit, timebunt angeli,

et territi purgabuntur.

17 Cum apprehenderit eum gladius, subsistere non poterit,

neque hasta, neque thorax:

18 reputabit enim quasi paleas ferrum,

et quasi lignum putridum æs.

19 Non fugabit eum vir sagittarius:

in stipulam versi sunt ei lapides fundæ.

20 Quasi stipulam æstimabit malleum,

et deridebit vibrantem hastam.

21 Sub ipso erunt radii solis,

et sternet sibi aurum quasi lutum.