The Future of Bible Study Is Here.
Job 35
35 1 Igitur Eliu hæc rursum locutus est:
2 Numquid æqua tibi videtur tua cogitatio,
ut diceres: Justior sum Deo?
3 Dixisti enim: Non tibi placet quod rectum est:
vel quid tibi proderit, si ego peccavero?
4 Itaque ego respondebo sermonibus tuis,
et amicis tuis tecum.
et contemplare æthera quod altior te sit.
6 Si peccaveris, quid ei nocebis?
et si multiplicatæ fuerint iniquitates tuæ, quid facies contra eum?
7 Porro si juste egeris, quid donabis ei?
aut quid de manu tua accipiet?
8 Homini qui similis tui est, nocebit impietas tua:
et filium hominis adjuvabit justitia tua.
9 Propter multitudinem calumniatorum clamabunt,
et ejulabunt propter vim brachii tyrannorum.
10 Et non dixit: Ubi est Deus qui fecit me,
qui dedit carmina in nocte;
11 qui docet nos super jumenta terræ,
et super volucres cæli erudit nos?
12 Ibi clamabunt, et non exaudiet,
propter superbiam malorum.
13 Non ergo frustra audiet Deus,
et Omnipotens causas singulorum intuebitur.
14 Etiam cum dixeris: Non considerat:
judicare coram illo, et expecta eum.
15 Nunc enim non infert furorem suum,
nec ulciscitur scelus valde.
16 Ergo Job frustra aperit os suum,
et absque scientia verba multiplicat.
Sign Up to Use Our
Free Bible Study Tools
By registering for an account, you agree to Logos’ Terms of Service and Privacy Policy.
|
Sign up for the Verse of the Day
Get beautiful Bible art delivered to your inbox. We’ll send you a new verse every day to download or share.